كەم خەوی دەبێتە ئەگەری جەڵتەی مێشك

K24- ھەولێر:

لێكۆڵینەوەیەكی ئەمریكی دەریخستووە، كەم خەوی دەبێتە ھۆی ئەگەری دروستبوونی جەڵتەی مێشك لە مرۆڤدا.

ھەر بەگوێرەی توێژینەوە ئەمریكییەكە، ئەو كەسانەی رۆژانە كەمتر لە 6 كاتژمێر دەخەون زیاتر مەترسی تووشبونیان بە جەڵتەی مێشك لێدەكرێت، بە بەراورد بەو كەسانەی رۆژانە 6 كاتژمێر یاخود زیاتر لە 6 كاتژمێر دەخەون.

ھەروەھا لێكۆڵینەوەكە دەریخستووە، رۆژانە كەمتر لە 6 كاتژمێر خەوتن، مرۆڤ دووچاری سەرسوڕان و سڕبوون و كەمبینی دەكات.

بۆیە زانایان ھۆشداری دەدەن لەوەی، كە نابێت مرۆڤ كەمتر لە 6 كاتژمێر بخەوێت،ھەروەھا دەشڵێن  جەستەی ئافرەتان پێویستیان بە 8 كاتژمێر خەو ھەیە.

توێژینەوەكە لە سەر5 ھەزار كەس ئەنجامداوە، ئەو كەسانە بۆ ماوەی سێ ساڵ لە ژێر لێكۆڵینەوە، دابوون.