سبەی مووچە دابەش دەكرێت
K24 - ھەولێر:
وەزارەتی دارایی و ئابووریی حكوومەتی ھەرێمی كوردستان رایگەیاند، سبەی دەست دەكرێت بە دابەشكردنی مووچەی وەزارەتی پێشمەرگە.
رابەر سەدیق، بریكاری وەزارەتی دارایی و ئابووریی حكوومەتی ھەرێمی كوردستان بە ماڵپەڕی فەرمی ئەنجوومەنی وەزیرانی ھەرێمی كوردستانی راگەیاند: " سبەی دووشەمە 7/3/2016، مووچەی وەزارەتی كاروباری پێشمەرگە دابەش دەكرێت".
دوای ئەوەی ھەفتەی رابردوو كۆتایی بە دابەشكردنی مووچەی مانگی 1ی ئەمساڵ ھات، وەزارەتی دارایی و ئابووریی حكوومەتی ھەرێمی كوردستان رایگەیاند، دەست دەكرێت بە دابەشكردنی مووچەی مانگی 2 سبەی مووچەی ھێزەكانی سەر بە وەزارەتی كاروباری پێشمەرگە دابەش دەكرێت.