سێیەم تەقینەوە لە بڕۆكسل روویدا
K24 - ھەولێر:
دوای ئەوەی ئەمڕۆ دوو تەقینەوە لە فڕۆكەخانەی بڕۆكسل روویاندا، كەمێك لەمەوبەر سێیەم تەقینەوە لە وێستگەی میترۆی برۆكسل روویدا.
میدكانی بەلجیكا رایانگەیاند، سێیەم تەقینەوە لە وێستگەی میترۆی مالبیك، لە نزیك باڵەخانەی یەكێتی ئەورووپا روویدا و سەرجەم ھێڵەكانی میترۆ لە بڕۆكسل راگیران.
بە گوێرەی زانیارییەكان لە ئەنجامی زنجیرە تەقینەوەكانی برۆكسل 17 كەس گیانیان لە دەستداوە و 25 كەسیش بریندار بوونە، ھەروەھا باری نائاسایی لە بەلجیكا گەیشتووەتە بەرزترین ئاست.
وەزارەتی ناوخۆی بەلجیكا رایگەیاندووە، باری نائاسایی لە وڵاتەكە لە پلەی سێ بۆ پلەی چوار بەرزكراوەتەوە، ھەروەھا حكوومەتی بەلجیكا داوا لە ھاووڵاتیانی وڵاتەكەی دەكات لە ماڵەوە نەچنە دەرەوە.
میدیا جیھانییەكان رایانگەیاند، لە زۆربری فڕۆكەخانەكانی ئەورووپا رێوشوێنی توندی ئەمنی گیراوەتەبەر.