رەجەب تەیب ئەردۆغان: نابێت پەكەكە ھاوكاری بكرێت
"ئەگەر ھەیە پەكەكە كردەی خۆكوژی لە ئەوروپا ئەنجامبدات"
K24 - ھەولێر
سەرۆك كۆماری توركیا، رەجەب تەییب ئەردۆغان له گوتارێكیدا لە بنكەی ئەقداغ لە ویلایەتی یوزگات رایگەیاند، ئەگەر بەرژەوەندییەكانی ئەوروپا و پەكەكە لەیەك نزیك نەبن، لەوانەیە پەكەكە كردەوەی خۆكوژی لە شارەكانی ئەوروپا ئەنجامبدات بۆیە نابێت ھاوكاری پەكەكە بكرێت.
رەجەب تەیب ئەردۆغان، سەرۆك كۆماری توركیا راشیگەیاند: ئەگەر بەرژەوەندییەكانی پارتی كرێكارانی كوردستان(پەكەكە) ئەوروپا لەیەك نزیك نەبن، ئەگەر ھەیە پەكەكە كردەی خۆكوژی لە ئەوروپا ئەنجامبدات، بۆیە نابێ رۆژئاوا ھاوكاری پەكەكە و رێكخراوەكانی نزیكی بكات.
سەرۆك كۆماری توركیا گوتیشی: لەوانەیە رۆژێك لە رۆژان پەكەكە كردەوەی خۆكوژی لە ئەمریكا و ئەوڕوپا و رووسیا ئەنجامبدات.
رەجەب تەیب ئەردۆغان ئاماژهی بەوە كردووە، كە پەكەكە لە لەناوچوون نزیكبووهتەوە و ئەو لایەنانەی ھاوكاریان دەكەن لەناو دەچن.
ئەردۆغان دەشڵێت: رووسیا وادەزانێت كارێكی باشی كردووە بە كردنەوەی نووسینگەی پەیەدە لە مۆسكۆ، بەڵام رۆژێك دێت پارتی یەكێتی دیموكرات (پەیەدە) لەدژی رووسیا دەست بە ھێرشكردن دەكات.