له پارێزگاى سنه به هۆى لافاو دهيان خانوو رووخان
بارانی چەند رۆژی رابردوو بەشێك لە خانووكانی دانيشتووانی قوروەی رۆژهەڵاتی كوردستانی رووخاند.
K24 – ههولێر:
بارانی چەند رۆژی رابردوو بەشێك لە خانووكانی دانيشتووانی قوروەی رۆژهەڵاتی كوردستانی رووخاند.
جێگری بەشی ئاوەدانكردنەوە و پلاندانانی قایمقایميهتی قوروە لە پارێزگای سنە رایگەیاند، بە هۆی بارینی زۆری چەند رۆژی رابردوو گوندەكانی "قاورمەدەرە" زۆرترین زیانیان بەركەوتووە.
عەلیڕەزا مەیمەنەت ئابادی، گوتی: ماڵ و شوێنی حەواندنەوەی ئاژەڵەكانی ئەم گوندانە بە هۆی كۆن بوون و بەكارهێنانی كەرەستەی كۆن، لە كاتی باران باریندا زۆرترین زیانیان پێگەیشتووە.
سەرۆكی ئیدارەی نێشتەجێكردنی قوروە دەڵێ: لەو گوندانەی خانووكانیان رووخاوە، حكوومەت پێشتر هیچ ئاسانكارییەكی بۆ درووستكردنی خانوبەرە ئەنجامنەداوە.
باران و لافاوی چەند رۆژی رابردوو لە پارێزگاكانی ئیلام، سنە و كرماشانی رۆژهەڵاتی كوردستان زیانی زۆری لێكەوتەوە.
لە گوندەكانی دەوروبەری شاری قوروە بەشێكی زۆر لە خانووەكان رووخاون.
ناوەندەی بەڕێوبەرایەتیی قەیران لە پاوە رایگەیاندووە، دوای بەراوردكردنی زیانەكان دەست بە یارمەتیدانی زیانلێكەوتووان دەكرێت.