كونسوڵخانەی بەریتانیا لە ھەولێر: تاوانەكانی داعش بەرامبەر بە ژنانی ئێزیدی دۆكیۆمێنت دەكات

K24 – ھەولێر:

بە چاودێری كۆنسوڵخانەی گشتی بەریتانیا لە ھەولێر و ئەنجومونی باڵای كاروباری خانمان  حكوومەتی ھەرێمی كوردستان راگەیاندنی پرۆتۆكولی نێودەوڵەتی لەسەر بە بەڵگە كردن ولێكۆڵینەوە لە توندو تیژیەكانی داعش بەرامبەر ژنانی ئێزدی بەرێوەچوو.

ئەنگەس مەككی، كونسوڵی گشتی بەریتانیا لە ھەولێر گوتی: " لە عێراق زۆر تاوانی توندوتیژیمان بینی كە لەلایەن داعشەوە ئەنجامدرابوون، ئەوانە رووداوی دڵتەزێن بوون، بەرامبەر بە مرۆڤایەتی بوونی ئەو دۆكیۆمێنە وادەكات تاوانباران لە ھەر كوێیەك بن بە سزات خۆیان بگەن".

كۆساركەریم، ئەندامی ئەنجوومەنی كاروباری خانما دەڵێت: "ھەوڵی زۆرماندا تا ئەمڕۆ دیاریكرا، بۆ واژۆكردنی ناوەڕۆكی ئەم پڕۆتۆكۆڵە، بۆ ئەوەی بتوانرێت چۆن ھاوكاری ئەو ژنانە بكرێت، كە كراون بە كۆیلەی سێكسی و كڕین و فرۆشتنیان پێوەكراوە".

كوردۆ عومەر، بەرێوەبەری گشتی توندوتیژی دژ بە ژنان گوتی: " كۆمەڵێك بەڵگە و دۆكیۆمێنت كۆدەكەینەوە، بۆ ئەوەی ئەو بەڵگانە لە لایەن حكوومەتی بەریتانیاوە پشتگیری بكرێت و كۆبكرێتەوە، بۆ ئەوەی ئەو كەیسانە بە جینۆساید بناسێنرێن".

كونسولی گشتی بەریتانیا، ماوەی دوو ساڵە كار لە سەر واژۆكردنی پڕۆتۆكۆڵەكە دەكەن، بە مەبەستی ھاوكاری كردنی رزگاربووانی ژێر دەستی داعش.