نرخی نەوت بەرزبووەوە

K24- هەولێر:

ئەمڕۆ دووشەممە، نرخی نەوت بەهۆی زیادبوونی خواست و باشتربوونی گەشەی ئابووری جیهان، بەرزبووەوە.

نرخی یەک بەرمیل نەوتی برێنت، بە رێژەی 0.3٪ بەرزبووەوە و گەیشتە 69 دۆلار و 74 سەنت (8:20 خولەکی بەیانی بە کاتی هەولێر).

هەروەها نرخی یەک بەرمیل نەوتی تێکساس، بۆ 66 دۆلار و 12 سەنت بەرزبووەوە.

گەشبینی بەرامبەر بە گەشەی ئابووری جیهان، لە نیوەی دووەمی ئەمساڵ دروستبووە؛ هەروەها کەمکردنەوەی بەرهەم لە لایەن وڵاتانی بەرهەمهێنی نەوتەوە، نرخی نەوتیان زیادکردووە.

Reuters