وهزارهتی تهندروستی عێراق ئاماری 24 كاتژمێری رابردووی كۆرۆنای راگهیاند
جارێكی دیكه رێژهی تووشبوونی رۆژانه له 6 ههزار حاڵهت نزیك دهبێتهوه و ژمارهی مردنیش به ڤایرۆسهكه روو له ههڵكشانه
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 41 ههزار و 897 كهس ئهنجامدراوه و تووشبوونی 5 ههزار و 837 كهسی دیكه به پهتاكه پشتڕاست كرایهوه. زۆرترین ژمارهی ئهمڕۆش له ناوچهی كهرخی شاری بهغدا تۆماركرا، كه بریتییه له ههزار و 54 حاڵهت.
وهك لهراگهیهندراوهكهدا هاتووه، لهماوهی شهو و رۆژێكدا 37 كهس بههۆی پهتاكه گیانیان لهدهستداوه.
هاوكات 4 ههزار و 500 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته 838 ههزار و 265 حاڵهت، لهو ژمارهیهش 14 ههزار و 249 كهس بههۆی ڤایرۆسهكهوه گیانیان لهدهستداوه، 750 ههزار و 435 كهسیش به رێژهی 89.5% بهتهواوی چاك بوونهتهوه و 73 ههزار و 581 كهسیش له نهخۆشخانهكان لهژێر چاودێری پزیشكیدان، لهو ژمارهیهش 508 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
H.B