وەزارەتی تەندروستی داوا لە هاووڵاتیان دەکات ڤاکسینی کۆرۆنا وەربگرن

K24 - هه‌ولێر:

وه‌زاره‌تی ته‌ندروستی حكومه‌تی هه‌رێمی كوردستان ئه‌مڕۆ هه‌ینی (9ی نیسان/ ئه‌پرێلی 2021) رایگه‌یاند، بەشێوەیەکی گشتی لە هەرێمی کوردستان (32%)ی "ڤاکسینی كۆرۆنا"ی بەردەست بە هاووڵاتیان دراوە.

به‌گوێره‌ی به‌یاننامه‌كه‌ی وه‌زاره‌تی ته‌ندروستی، رێژه‌ی كوتان به‌ ڤاكسینی كۆرۆنا له‌ هه‌رێمی كوردستان، به‌ رێژه‌ی (32%) ڤاكسینی به‌رده‌ست بووه‌ له‌ هه‌رێمی كوردستان، كه‌ به‌م شێوه‌یه‌یه‌‌:

هەولێر (26%)

سلێمانی (20%)

دهۆك (56%)

هەڵەبجە (16%)

گەرمیان (39%)

راپەرین (42%)

کۆیە (24%)

وه‌زاره‌تی ته‌ندروستی داوا لە هاووڵاتیانی هه‌رێمی كوردستان دەکات خۆیان به‌ ڤاكسینی كۆرۆنا بكوتن، بەتایبەتی ئه‌و كه‌سانه‌ی سەرووی تەمەنی (60) ساڵی و ئەوانەشی (نەخۆشی درێژخایەنیان هەیە، خانەنشین و بەساڵاچووان و مامۆستایانی پۆلی (12) و هێزەکانی ئەمنی و ناوەخۆ و ئاسایش و پێشمەرگە)، داواش له‌ هاووڵاتیان ده‌كات، خۆیان ناونووس بكه‌ن له‌ پۆتاڵی سیسته‌می ئۆنلاینی حكومه‌تی هه‌رێمی كوردستان له‌م لینكه‌:

سیستەمی تۆمارکردنی پێشوەختە بۆ کوتانی کۆڤید-19

وەزارەتی تەندروستی ئاشكرای كرد، بۆ وەرگرانی پێکوتەی ڤایرۆسی کۆرۆنا، کارت و کۆدی تایبەت بە گەشتکردنی نێودەوڵەتیان پێدەدات، بۆ بەکارهێنانی لە فڕۆکەخانەکان.

د.ی