سۆران.. هاووڵاتییه‌كی گیرخواردوو له‌ رووباری گه‌لی عه‌لی به‌گ رزگاركرا

K24 - هه‌ولێر:

دوای ئه‌وه‌ی هاووڵاتییه‌كی دانیشتووی شاری هه‌ولێر، ده‌كه‌وێته‌ نێو رووباری نزیك پردی گه‌لی عه‌لی به‌گ، له‌لایه‌ن تیمه‌كانی به‌رگری شارستانی سۆران و رواندزه‌وه‌، رزگاركرا.

هێمن عه‌باس حوسێن، ته‌مه‌ن 37 ساڵ، كه‌ سه‌ردانی ناوچه‌كه‌ی كردووه‌، كاتژمێر 3ی دوای نیوه‌ڕۆ، له‌ ژێر تونێلێكی ژێر پردی گه‌لی، زیاتر له‌ دوو كاتژمێر گیری خواردبوو، له‌لایه‌ن تیمه‌كانی به‌رگری شارستانی سۆران رزگاركرا.