27 کەس بەهۆی ئاگرکەوتنەوە لە نەخۆشخانەیەکی بەغدا گیانیان لەدەستدا

K24- هەولێر:

لە نەخۆشخانەیەکی بەغدا کە تایبەتە بە تووشبووانی کۆرۆنا، بەهۆی تەقینەوەی بوتڵی ئۆکسجین و ئاگرکەوتنەوە، 27 کەس گیانیان لەدەستدا و دەیانی دیکەش بریندارن.

ئاگرەکە لە نەخۆشخانەی ''ئیبن خەتیب'' کەوتووەتەوە و تا دێت ژمارەی قوربانیان لە زیادبووندایە.

بەرگری شارستانی بەغدا ئاماژەی بەوەكردووە، تاوەکو ئێستا 91 کەس لە نەخۆشخانەکە رزگارکراون.

ئاژانسی هەواڵی فرانس پرێس، لە زاری تیمە ئەمنیی و پزیشکییەکان ئاشکرای کردووە، 27 کەس بەهۆی ئاگرکەوتنەوەکە گیانیان لەدەستداوە و دەیانی دیکەش بریندارن.