تهندروستی عێراق ئاماری 24 كاتژمێری رابردووی كۆرۆنای راگهیاند
بههۆی كۆرۆنا 32 كهسی دیكه گیانیان لهدهستدا و 3 ههزار و 791 حاڵهتی نوێی تووشبوونیش به پهتاكه پشتڕاست كرایهوه
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 32 ههزار و 668 كهس ئهنجامدراوه و تووشبوونی 3 ههزار و 791 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له ناوچهی روسافهی شاری بهغدا تۆماركرا، كه بریتییه له 578 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 32 كهس بههۆی پهتاكه گیانیان لهدهستداوه.
هاوكات 5 ههزار و 39 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 167 ههزار و 940 حاڵهت، لهو ژمارهیهش 16 ههزار و 190 كهس بههۆی ڤایرۆسهكهوه گیانیان لهدهستداوه، ملیۆنێك و 81 ههزار و 843 كهسیش به رێژهی 92.6% بهتهواوی چاك بوونهتهوه و 69 ههزار و 907 كهسیش له نهخۆشخانهكان لهژێر چاودێری پزیشكیدان، لهو ژمارهیهش 474 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا 527 ههزار و 159 كهس له سهرانسهری عێراق ڤاكسینی كۆرۆنایان وهرگرتووه.
H.B