کۆسرەت رەسول پێشوازی لە فازڵ میرانی دهكات
لە دیدارەکەدا دۆخی عێراق و هەرێمی کوردستان گفتوگۆی لهسهرکرا
K24- ههولێر:
پێشنیوەڕۆی ئەمڕۆ هەینی (28ی ئایار/ مایۆی 2021) لە شاری سلێمانی کۆسرەت رەسول عەلی، سەرۆکی ئەنجومەنی باڵای سیاسی و بەرژەوەندی یەکێتی نیشتمانی کوردستان پێشوازی کرد لە فازڵ میرانی، سکرتێری مەکتەبی سیاسی پارتی دیموکراتی کوردستان.
لە دیدارەکەدا فازڵ میرانی بەخێرهاتنەوەی کۆسرەت رەسولی کرد و دڵخۆشی خۆی بە باشی تەندروستی دەربڕی و هیوای خواست هەمیشە لەشێکی شاغ و تەندروستی هەبێت.
لای خۆیەوە کۆسرەت رەسول سوپاسی فازڵ میرانی و پەرۆشی خەڵکی کوردستانی کرد.
لە دیدارەکەدا گفتوگۆ کرا لەبارەی دۆخی عێراق و هەرێمی کوردستان، هەردوولا هاوڕابوون کە کورد پێویستی بە یەکڕیزی هەیە لەپێناو گەیشتن بە ئاواتەکانی گەلەکەمان.