لەسەر راسپاردەی سەرۆکی حکومەتی کوردستان ھاوکاری بەسەر سەرجەم مامۆستایانی ئایینی خۆبەخش دابەشکرا

K24 – هه‌ولێر:

لەسەر راسپاردەی مه‌سرور بارزانی، سەرۆکی حکومەتی ھەرێمی کوردستان هاوكاری به‌سه‌ر نزیكه‌ی 1500 مامۆستا و وتاربێژی ئاینییدا دابه‌شكرا، كه‌ له‌ ماوه‌ی رابردوودا خۆبه‌خشانه‌ خزمه‌تی هاووڵاتیان و مزگه‌وته‌كانی كوردستانیان كردووه‌.

له‌و باره‌یه‌وه‌، وه‌زاره‌تی ئه‌وقاف رایگه‌یاند، لە سۆنگەى پشتیوانیکردنی ئەو مامۆستا ئایینیانەی کەبەشێوەی خۆبەخش وتار دەخوێننەوە لە مزگەوتەکان و بەبێ ھیچ بەرامبەرێک خزمەتی مزگەوتەكان دەکەن، لە چەند رۆژى رابردوو لە لايەن لیژنەيەكى تايبەتەوە لە وەزارەتى ئەوقاف و كاروبارى ئاينى ھاوکاری گەیه‌ندرایە نزیکە (1500 ) مامۆستاى ئاينى لەسەرجەم شارو شارۆچکەکانی ھەرێمی  کوردستان بە بێ جياوازى ئەمڕۆ کۆتایی بە دابەشکردنى ھاوكاريیەكان ھات.

وه‌زاره‌ته‌كه‌ ئاماژه‌ی به‌وه‌داوه‌، كه‌ وەزارەتی ئەوقاف و کاروباری ئایینی لە رێگەی ئەنجوومەنی زانستیەوە پلانی گونجاوی لەبەر دەستە بۆ پشتیوانیکردنی زانستی خۆبەشان و برەودان بەتواناکانیان.