وهزارهتی تهندروستی عێراق ئاماری 24 كاتژمێری رابردووی كۆرۆنای راگهیاند
بههۆی كۆرۆنا 30 كهس گیانیا لهدهستدا و سهرووی 5 ههزار كهسی دیكهش تووشی پهتاكه بوون
K24- ههولێر:
وهزارهتی تهندروستیی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند و بهگوێرهی ئامارهكه، لهماوهی 24 كاتژمێری رابردوودا پشكنینی پزیشكی بۆ 44 ههزار و 900 كهس ئهنجامدراوه و تووشبوونی 5 ههزار و 189 كهسی دیكه به پهتاكه پشتڕاست كرایهوه. زۆرترین ژمارهی تووشبوونی ئهمڕۆش له ناوچهی كهرخی شاری بهغدا تۆماركرا، كه بریتییه له ههزار و 90 حاڵهت.
وهك له راگهیهندراوهكهدا هاتووه، لهماوهی شهو و رۆژێكدا 30 كهس بههۆی پهتاكه گیانیان لهدهستداوه و 3 ههزار و 930 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته ملیۆنێك و 274 ههزار و 629 حاڵهت، لهو ژمارهیهش 16 ههزار و 811 كهس بههۆی ڤایرۆسهكهوه گیانیان لهدهستداوه، ملیۆنێك و 188 ههزار و 422 كهسیش به رێژهی 93.2% بهتهواوی چاك بوونهتهوه و 69 ههزار و 396 كهسیش له نهخۆشخانهكان لهژێر چاودێری پزیشكیدان، لهو ژمارهیهش 478 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.
ئاماژه بهوهش دراوه، تا ئێستا 751 ههزار و 164 كهس له سهرانسهری عێراق ڤاكسینی كۆرۆنایان وهرگرتووه.
H.B