محه‌مه‌د بن زاید جەژنە پیرۆزە لە نێچیرڤان بارزانی دەکات

K24 – هه‌ولێر:

ئەمڕۆ یەکشەممە نێچیرڤان بارزانی پەیوەندییەکی تەلەفۆنی لە شێخ محەمەد بن زاید‌ ئال نهیان جێنشینی ئەبوزەبی و جێگری فەرماندەی گشتیی هێزە چەکدارەکانی ئیمارات پێگەیشت.

لەو پەیوەندییەدا شێخ محەمەد بن زاید‌ پیرۆزباییی هاتنی جەژنی قوربانی لە نێچیرڤان بارزانی و گەلی کوردستان کرد و هیوای سه‌رکه‌وتنی بۆ خواست.

لای خۆیەوە سەرۆکی هەرێمی کوردستان وێڕای سوپاس و جەژنە پیرۆزە، هیوای خۆشبەختی و پێشکەوتنی بۆ جەنابیان و گەلی ئیمارات و بەردەوامیی پەیوەندیی دۆستانەی هەردوو گەلی کوردستان و ئیمارات خواست.