نەخشە رێگەی ریفۆرمی ئابووری ھەرێمی كوردستان رادەگەیەنرێت
"سەرۆكی ھەرێمی كوردستان بەشداری لە كۆنفرانسەكەدا دەكات"
K24 - ھەولێر
ئەمڕۆ بە ئامادەبوونی مەسعوود بارزانی، سەرۆکی هەرێمی کوردستان و نێچیرڤان بارزانی، سەرۆکی حكوومەتی هەرێمی کوردستان، کۆنفرانسی نەخشە رێگەی ریفۆرمی ئابووری هەرێمی کوردستان لە شاری ھەولێر دەستیپێكرد لە سەرەتای كۆنفرانسەكەشدا وەزیری پلاندانانی حكوومەتی ھەرێمی كوردستان ھۆكاری قەیرانی دارایی و ھەنگاوەكانی حكوومەتی بۆ چارەسەری قەیرانەكە خستەڕوو.
لە گوتاری دەستپێكردنی كۆنفرانسی نەخشە رێگەی ئابووری ھەرێمی كوردستان عەلی سندی، وەزیری پلاندانانی حكوومەتی ھەرێمی كوردستان رایگەیاند: "نەخشە رێگەی ئابووری ھەرێمی كوردستان لە 24 بابەت و بواری جیاواز لە پێكھاتووە، داوا لە كۆمەڵگەی نێودەوڵەتی دەكەین ھاوكاریمان بكات".
گوتیشی: "ئامانجی سەرەكی پلانەكە خەڵكی ھەژار و كەمدەرامەتە، بەراورد بە ساڵی رابردوو رێژەی ھەژاری لە ھەرێمی كوردستان زیادیكردووە".