وهزارهتی پێشمهرگه: ئهڵمانیا لههاوكاریكردنی پێشمهرگه بهردهوام دهبێت
"سەرۆکی ئەرکان له وهزارهتی پێشمهرگه سوپاسی حکومەت و گەلی ئەڵمانیای کرد"

k24 - هەولێر:
وهزارهتی پێشمهرگهی حكومهتی ههرێمی كوردستان بڵاویكردهوه، له دیداری کۆڵۆنێڵ مايەر له وەزارەتی بەرگری ئەڵمانیا و کۆڵۆنێڵ كای بەرپرسی پڕۆژەکانی ئەڵمانیا لە هەرێمی كوردستان، لهگهڵ فریق جەمال محمد، سەرۆکی ئەرکانی وەزارەتی پێشمەرگە، جهخت له بەردەوامی هەماهەنگی و هاوکارییەکانی حکومەتی ئەڵمانیایان بۆ وەزارەتی پێشمەرگە، دووپات کردەوە.
وهزارهتی پێشمهرگه راشیگهیاند، لهو دیدارهدا شاندی ئهڵمانی بەردەوامی هەماهەنگی و هاوکارییەکانی حکومەتی ئەڵمانیایان بۆ وەزارەتی پێشمەرگە دووپات کردەوە.
روونیكردهوه، بەردەوام دەبن لە کارکردن لەگەڵ هێزەکانی پێشمەرگە لەبواری ڕاوێژکارەکارییەوە لە هەرێمی کوردستان.

سەرۆکی ئەرکان له وهزارهتی پێشمهرگه سوپاسی حکومەت و گەلی ئەڵمانیای کرد، ئامادەیی وەزارەتی پێشمەرگەی پیشان دا، بۆ هەماهەنگی و هاوکاریەک لەگەڵ تیمەکانی سوپای ئەڵمانیا لەکوردستان.