6 گوندی دیکە لە دەوروبەری منبج لە ژێر دەستی داعش رزگاركران

K24 - ھەولێر

هێزەکانی سووریای دیموکرات 6 گوندی دیکەیان لە دەوروبەری شارۆچکەی منبج کۆنتڕۆڵکردەوە.

ئۆپەراسیۆنی هێزەکانی سووریای دیموکرات و شەڕڤانانی ئەنجوومەنی لەشکری منبج بەردەوامە بۆ کۆنتڕۆڵکردنەوەی تەواوی منبج و لە ماوەی 24 کاتژمێری رابردوودا، شەش گوندی دیکەیان خستووەتە ژێر دەسەڵاتی خۆیان و لە هەندێك میحوەر رۆکێتەکانی هێزە کوردییەکان دەگاتە شارۆچکەی منبج.

بەگوێرەی دوایین زانیارییەکان، لە ئەنجامی شەڕ و پێکدادانەکاندا، 26 چەکداری داعش کوژراون.

رۆژی 1ی ئەم مانگە ھێزەكانی سووریای دیموكرات ئۆپەراسیۆنی رزگاركردنی شارۆچكەی منبجیان دەستپێكرد، بە گوێرەی گوتەی بەرپرسانی ھێزە بەشداربووەكانی ئۆپەراسیۆنەكە زۆربەی گوند و ناوچەكانی دەورووبەری منبج لە بندەستی داعش رزگاركراون و ھێزەكانی سووریای دیموكرات لە پێشڕەویدان.