وه‌زاره‌تی پێشمه‌رگه‌: ئامادەكاری بۆ دانانی پلانێکی نوێی میدیای سەربازی ده‌كرێت

"ستایشی هەوڵەکانی راوێژکارانی سەربازی هاوپەیمانان كرا"

پێشمه‌رگه‌ی كوردستان
پێشمه‌رگه‌ی كوردستان

K24 – هه‌ولێر:

وەزارەتی پێشمەرگەی حكومه‌تی هه‌رێمی كوردستان رایده‌گه‌یه‌نێت، لەمیانی کۆبوونەوەی بەڕێوەبەری گشتیی راگەیاندن و هۆشیاری نیشتمانی لەگەڵ تیمێکی راوێژکارانی هاوپەیمانان، جەختکرایەوە سەر ئامادەكاری بۆ دانانی پلانێکی نوێی میدیای سەربازی.

وه‌زاره‌تی پێشمه‌رگه‌ رایگه‌یاند، بەڕێوەبەری گشتی راگەیاندن و هۆشیاری نیشتمانی، لەگەڵ کۆڵۆنیڵ ئەلێکسەندەر و تیمێکی راوێژکارانی سەربازی هاوپه‌یمانان کۆبۆوە.

وه‌زاره‌تی پێشمه‌رگه‌ راشیگه‌یاند، ستایشی هەوڵەکانی راوێژکارانی سەربازی هاوپەیمانان كرا بۆ پێشخستنی میدیای سەربازی و پەرەسەندن و فراوانبوونی.

راگه‌یاندنی وه‌زاره‌تی پێشمه‌رگه‌ ئاماژه‌یپێكرد، راوێژکارانی سەربازی هاوپەیمانان، لەهاوکاری و هەماهەنگی لەگەڵ بەڕێوەبەرایەتی گشتی راگەیاندن و هۆشیاری نیشتمانی وەزارەتی پێشمەرگە، بەردەوام دەبن و هاوشانی بەرنامەکانی وەزارەت لەپڕۆسەی چاکسازی، بەشداری پلانی نوێی میدیایی سەربازی لەوەزارەتی پێشمەرگە ده‌كه‌ن.

لایه‌نێكی كۆبوونه‌وه‌كه‌
لایه‌نێكی كۆبوونه‌وه‌كه‌