کوڕی ئەبو عومەر بەغدادی کوژرا
هەواڵگری عێراق زانیاری ئاشکرا دەکات
K24 - هەولێر
هەواڵگری عێراق کوژرانی کوڕی سەرکردەی پێشووتری رێکخراوی داعشی راگەیاند.
بەڕێوەبەرایەتی هەواڵگری سەربازی عێراق رایگەیاند، سوهەیب حامد راوی، کوڕی ئەبو عومەر بەغدادی، سەرکردەی پێشووتری رێکخراوی داعش و والی ئەنبار، لە بیابانەکانی قائیم و باکووری روتبە کوژراوە.
ئاشکرا کردنی زانیاری لەبارەی کوژرانی کوڕی ئەبو عومەر بەغدادی، لەلایەن هەواڵگری سەربازی عێراق، هاوکاتە لەگەڵ یادی چوار ساڵەی راگەیاندنی سەرکەوتن بەسەر داعش لە عێراق.
