هۆشدارییه‌ك بۆ هاووڵاتیانی پارێزگای هه‌ولێر

"لێزمه‌باران به‌رده‌وام ده‌بێت"

لێزمه‌باران به‌رده‌وام ده‌بێت
لێزمه‌باران به‌رده‌وام ده‌بێت

K24 – هه‌ولێر:

به‌ گوێره‌ی زانیارییه‌كانی په‌یامنێری كوردستان24، بەشی پێشبینی فه‌رمانگه‌ی كه‌شناسی هه‌رێمی كوردستان، رایگه‌یاند، بە گوێرەی پێشبینی، لە ماوەی 12  كاتژمێری داهاتوو، لێزمه‌ باران و هه‌وره‌تریشقه‌ له‌ هه‌ولێر به‌رده‌وام ده‌بێت.

كه‌شناسی هه‌رێم راشیگه‌یاند،  لێزمه‌ باران و هه‌وره‌تریشقه‌ ناوچەکانی باکووری رۆژهەڵاتی پارێزگای هەولێر ( قەزای کۆیە و تەق تەق و دەورو بەری) ده‌گرێته‌وه‌.

كه‌شناسی هه‌رێم روونیكرده‌وه‌، له‌ 12 كاتژمێری داهاتوو لێزمه‌ باران هه‌ر یه‌ك  له‌ ئیداره‌كانی راپەرین و گەرمیانیش دە گرێتەوە بۆئەم مەبەستە هۆشداری ده‌درێته‌ هاووڵاتیان كه‌ ئه‌گه‌ر كاری پێویست نه‌بوو نه‌چنه‌ ده‌ره‌وه‌.