دوو تەقەکەر لە سلێمانی دەستگیر کران

K24 - سلێمانی

دوای ئەوەی دوێنێ دوو کەس هەڵیانکوتایە سەر دوکانێک و تەقەیان لە خاوەن دوکانەکە کرد، ئەمڕۆ هێزەکانی پۆلیس دەستگیری کردن.

پۆلیسی سلێمانی رایگەیاند: "مه‌فره‌زه‌كانی‌ بنكه‌ی‌ پۆلیسی‌ به‌ختیاری‌ ئه‌و دوو تۆمه‌تباره‌یان ده‌ستگیركرد كه‌ هه‌ڵیانكوتابووه‌ سه‌ر دوكانێك له‌شاری‌ سلێمانی‌‌و ته‌قه‌یان له‌خاوه‌نی‌ دوكانه‌كه‌ كردبوو.

لە راگەیەندراوی بەڕێوەبەرایەتی پۆلیسی سلێمانی ئاماژە بەوەشکراوە: "پاش وه‌رگرتنی‌ بڕیاری‌ دادوه‌ر، مه‌فره‌زه‌كانی‌ بنكه‌ی‌ پۆلیسی‌ به‌ختیاری‌ توانیان له‌ماوه‌یه‌كی‌ كه‌مدا هه‌ردوو تۆمه‌تبار (د، ر، م) له‌دایكبووی‌ 1965 و (أ، د، ر) له‌دایكبووی‌ 1999 ده‌ستگیربكه‌ن، له‌كاتی‌ ده‌ستگیركردنی‌ تۆمه‌تباره‌كاندا ده‌ستگیرا به‌سه‌ر ئوتۆمبێل ‌و دوو چه‌ك له ‌جۆری‌ ده‌مانچه‌ كه‌ تۆمه‌تباران له‌كاتی‌ تاوانه‌كه‌یاندا به‌كاریانهێنابوو".

ئەوەشخراوەتەڕوو: "ئێستا هه‌ردوو تۆمه‌تباری‌ ناوبراو به ‌بڕیاری‌ دادوه‌رو به‌پێی‌ مادده‌كانی‌ (405) و (31) له‌ یاسای‌ سزادانی‌ عێراقی‌ راگیراون‌و لێكۆڵینه‌وه‌كان له‌گه‌ڵیاندا به‌رده‌وامه‌".