چەکدارانی حەشدی شەعبی لە شەقامەکانی کەرکووک بڵاوەیان پێکرا
وێنە و پۆستەری سولەیمانی و موهەندیس لە شەقامەکانی کەرکووک هەڵواسراوە
K24 – کەرکووک
لەگەڵ نزیكبوونەوەی یادی كوژرانی قاسم سولەیمانی و ئەبومەهدی موهەندیس، چەکدارانی حەشدی شەعبی لە شەقامەكانی كەركووك بڵاوەیان پێكراوە و لەچەندین شوێنێکیش وێنە و پۆستەری هەردووكیان هەڵواسراون.
هێمن دەلۆ، پەیامنێری کوردستان24 لە کەرکووک رایگەیاند، ئەمڕۆ پێنجشەممە 30/12/2021، لەگەڵ نزیکبوونەوەی کوژرانی قاسم سولەیمانی و ئەبومەهدی موهەندیس، چەکدارانی حەشدی شەعبی لە چەند شەقامێکی سەرەکی کەرکووک بڵاوەیان پێکراوە".
گوتیشی: "لە چەند شوێنێکی گشتی شارەکەش وێنە و پۆستەری سولەیمانی و موهەندیس هەڵواسراوە".
قاسم سولەیمانی، فەرماندەی فەیلەقی قودسی سوپای پاسداران و ئەبو مەهدی موهەندیس، جێگری دەستەی حەشدی شەعبی، بەرەبەیانی 3/1/2020 لەسەر شەقامی سەرەکیی فڕۆکەخانەی بەغدا، بە فڕۆکەیەکی بێفڕۆکەوانی لەلایەن ئەمەریکاوە کرانە ئامانج.
