کەشناسی رەوشی کەشوهەوای راگەیاند

K24 – ھەولێر

بەگوێرەی پێشبینییەکانی کەشناسی، کاریگەرییەکانی شەپۆلی بەفر و بارانبارین کاریگەری بەردەوام دەبێت، سبەی لە کاتەکانی بەیانی زوودا ئەگەری دروستبوونی تەمێکی سووک هەیە، لە زۆربەی ناوچەکاندا لە پێش نیوەرۆ کاریگەریەکەی نامێنێت.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوکردەوە و رایگەیاند، ئەمڕۆ ئاسمان هەور دەبێت، لەگەڵ بارینی نمە باران بەشێوەی پچڕ پچڕ، لە ناوچە شاخاوییەکان ئەگەری بارینی بەفرێکی کەم هەیە.

لەبارەی كەشوھەوای سبەی كەشناسی پێشبینی دەكات، رۆژی یەکشەممە ئاسمان لەنێوان هەور و نیمچە هەوردا  دەبێت، لەگەڵ ئەگەری نمە باران لە ناوچە شاخاوییەکان.