دوو گەنجی كورد لە سنووری توركیا كوژران

K24 - ھەولێر

بە گوێرەی زانیارییەكان دوو گەنجی كورد كە بە نیازبوونە لە شاری حەسەكەی رۆژئاوای كوردستان بچنە باكووری كوردستان لە لایەن سەربازانی توركیا تەقەیان لێ دەكرێت و گیان لە دەستدەدەن.

لەوبارەیەوە ئاسایشی رۆژئاوا لە حەسەكە رایگەیاند، دوو ھاوڵاتی كورد كە تەمەنیان 23 و 25 سال بوو لە شاری حەسەكە ویستوویانە لەسەر سنوور دەربازی باكووری كوردستان ببن، لە لایەن سەربازانی سوپای توركیا تەقەیان لێدەكرێت، لە ئەنجامدا ھەردووكیان گیان لە دەستداوە.

بە پێی زانیاری چەند سەرچاوەیەك حكوومەتی توركیا رێوشوێنی توندی ئەمنی و سەربازی لەسەر سنووری رۆژئاوای كوردستان گرتوەتەبەر ئێستا سەرقاڵی دروستكردنی دیوارە لەو سنوورەدا.