رێگەیەك بۆ دەرچوونی هاوڵاتیانی فەللوجە کرایەوە
دەتوانن لەم دەروازەیەوە فەللوجە جێ بھڵێن و لە بندەستی داعش رزگاریان بێت
K24 – ھەولێر
فەرماندەیەكی سوپای عێراق ئاشكرای كرد رێگەیەك بۆ دەربازبوونی ھاوڵاتیانی سڤیل لە فەللوجە كراوەتەوە.
یەحیا عەبدول رەسول، وتەبێژی فەرماندەیی ئۆپەراسیۆنە تایبەتەکان بە ئاژانسی رۆیتەرزی راگەیاند:" یەکەم دەروازەی هاتنە دەرەوەی هاوڵاتیانی فەللوجە دەستەبەر کرا و هێزەکانییان ئەم رێگایە دەپارێزن".
عەبدول رەسول، وتی:" دوای کۆنتڕۆڵ کردنی رێگای یەکتربڕی سەلام لە باشووری رۆژئاوای شارەکە، ئەم دەروازەیە ئێستا پارێزراوە بۆ هاتنە دەرەوەی خەڵکی مەدەنی".
هاوکات، رێکخراوی هاوکاری نەرویجی ئەمەی پشتڕاست کردەوەو رایگەیاند:" هەزاران کەس لەم دەروازەوە دەربازییان بووە و هاوکاری سەرەتاییمان پێگەیاندوون".