روونکردنەوەیەك لەبارەی پسوولەی کرێی کارەبا

K24 - هەولێر:

وەزارەتی کارەبای حکومەتی هەرێمی کوردستان لە روونکردنەوەیەکدا چۆنییەتی زانینی وردەکارییەکانی ناو پسوولەی کرێی کارەبای بڵاوکردەوە.

لە روونکردنەوەکەی وەزارەتی کارەبا ئاماژە بەوە دراوە، لە رێگەی خزمەتگوزاریەکەوە کە ئێستا لە هەولێر و دهۆک بەردەستە و لە ماوەیەکی نزیکدا لە سلێمانی و هەڵەبجەش دەکرێتەوە هاووڵاتییان دەتوانن ئاگاداری بڕی کات و بەکارهێنانی کارەبا و نرخەکەی بن.

تەنیا پێویستە ژمارەی ئەژماری پسوولەکەت لە ماڵپەڕی pswla.com لە شوێنی دیاریکراو بنووسی.

سیستەمەکە، وێنەیەک لە پسوولەی کرێی کارەباکەت لەگەڵ هەندێ زانیاری دیکە پیشان دەدات و بە هۆیەوە دەتوانی ئاگاداری تەواوی وردەکارییەکانی بەکارهێنانی کارەبا ببی.