"74 بنكه‌ی سه‌ربازی ئۆكرانی له‌خزمه‌تكردن په‌كخران"
ده‌ره‌نجامی هێرشه‌كانی رووسیا بڵاوكرایه‌وه
K24 – هه‌ولێر:
وه‌زاره‌تی به‌رگری رووسیا ئاشكرای ده‌كات، 74 بنكه‌ی سه‌ربازی ئۆكرانی له‌خزمه‌تكردن په‌كخران.
ئیگۆر كۆناشینكۆف، گوته‌بێژی وه‌زاره‌تی به‌رگری رووسیا راگه‌یه‌ندراوێكی بڵاوكرده‌وه، تێیدا هاتووه، له هێرشه‌كانی ئه‌مڕۆ 24ـی شوبات / فێبرایه‌ری 2022، 11 فڕۆكه‌خانه، 3 بنكه‌ی سه‌ربازی، یه‌ك بنكه‌ی ده‌ریایی و 18 وێستگه‌ی ئاگاداركردنه‌وه‌ی تایبه‌ت به سیستمی به‌رگری فڕۆكه‌وانی، كرانه ئامانج.
ڤلادیمێر پوتن، سەرۆکی رووسیا ئۆپەراسیۆنی سەربازیی بۆ سەر ئۆکرانیا راگەیاند و سوپای وڵاتەکەی هێرشی بۆ سەر باشوووری رۆژهەڵاتی ئۆکرانیا دەستپێکرد.
ڤلادیمێر پوتن، سەرۆکی رووسیا لە گوتارێکدا کە تەلەڤزیۆنی فەرمی وڵاتەکەی بڵاویکردەوە، دەستپێکردنی ئۆپەراسیۆنی سەربازیی لە ناوچەی دونباس لە باشووری رۆژهەڵاتی ئۆکرانیا راگەیاند و دەڵێ: رووسیا رێگە نادات ئۆکرانیا خاوەنی چەکی ناوەکی بێت.
پوتن، داوای لە سەربازە ئۆکرانییەکان دەکات، چەک دابنێن بگەڕێنەوە ماڵەکانیان.
ڤلادیمێر پوتن، لە گوتاری راگەیاندنی جەنگ ئاماژەی بەوەدا "لەحاڵەتی دەستێوەردانی دەرەکی لە دۆخی ئۆکرانیادا رووسیا دەستبەجێ وەڵام دەداتەوە".
سەرۆکی رووسیا بڕیاری ئۆپەراسیۆنی سەربازیی بۆ سەر هەرێمی دۆنباس لە ئۆکرانیا دا و دەڵێ: رووسیا رێگە نادات ئۆکرانیا خاوەنی چەکی ناوەکی بێت.