سوپای رووسیا دەچنە نەخۆشخانەیەکی دەروونیەوە و نەخۆشەکان بە بارمتە دەگرن
میدیاکانی ئۆکرانیا: هێزێکی رووسیا 500 نەخۆشی بە بارمتە گرتووە
K24 - هەولێر:
بە گوێرەی میدیا فەرمیەکانی ئۆکرانیا، هێزەکانی رووسیا چوونەتە نەخۆشخانەیەکی دەروونیەوە و نەخۆشەکانیان بە بارمتە گرتووە.
ئۆلیکسی کولێبا، سەرۆکی بەڕێوبەرایەتیی سەربازیی هەرێمی کیڤ بە میدیاکانی ئۆکرانیای راگەیاند، هێزێكی رووسیا بەناوی Kadyrovites کە سەربە کۆماری چێچنیایە، چوونەتە نەخۆشخانەیەکی دەروونی لە نزیک کیێڤ و نەخۆشەکانیان بە بارمتە گرتووە.
بە گوێرەی میدیاکانی ئەو وڵاتە، سەربازە رووسیەکان تەواوی رێگاکان کە دەچن بەرەو نەخۆشخانەکە مین-رێژ کردووە، لە کاتێکدا بە نزیکەیی 500 نەخۆش لەناو سەنتەرەکەدا هەن و 100ـیان لەسەر جێگەن و لەژێر چاودێری پزیشکیدان.
H.H