سەرپێچیکارێک بووە قوربانی سەرپێچیەکەی

K24 - هەولێر:

سەر لە بەیانی ئەمڕۆ 6ـی ئازار/مارس، لەسەر رێگای هەولێر - پیرمام پێکدادانێک لە نێوان ماتۆڕسکیلێك و ئۆتۆمبێلێك روویدا و لە ئەنجامی رووداوەکە شۆفێری ماتۆڕسکیلەکە گیانی لەدەستدا.

فازڵ حاجی گوتەبێژی پۆلیسی هاتوچۆی هەولێر رایگەیاند، کاتژمێر8:45ی سەرلەبەیانی ئەمڕۆ لەسەر رێگای (هەولێر .پیرمام) لەنزیک مەفرەقی بەستۆرە، پێکدادانێک روویدا لەنێوان جێبێکی تایبەت و ماتۆڕسکیلێک، بەداخەوە لە ئەنجامی رووداوەکە شوفێری ماتۆرسکیلەکە گیانی لەدەستدا.

گوتەبێژی پۆلیسی هاتوچۆی هەولێر ئاماژەیە بەوەشدا، شۆفێری ماتۆڕسکیلەکە هەر خۆی لایەنی خەتاباری رووداوەکە بووە، چونکە ویستبووی لەشوێنێک پێچبکاتەوە بۆ ڕۆیشتن بەرەو هەولێر، کە لەو شوێنە پێچکردنەوە تەنها بەئاراستەی چوونە بەرەو پیرمام.

فازڵ حاجی گوتیشی "ئەوەی بارەکەشی مەتەسیدارتر کردوە، هاتنی یەکسەری و بێ سەیرکردنی ئاوێنە بووە بۆناو شەقامی سەرەکی کە ئۆتۆمبێلەکان تێیدا بەخێرایی بەرەو پیرمام دەڕۆن، بۆیە هەر لەگەڵ پێچکردنەوە و چوونە سەر رێگاکە، ئۆتۆمبێلێکی جۆری جێبی تایبەت خۆی پێداکێشاوە و رووداوەکە روویداوە.

H.H