بە ڤیدیۆ.. هێرشێکی تیرۆریستی دەکرێتە سەر باڵیۆزخانەی بێلارووس

K24 - هەولێر:

بە گوێرەی هەواڵێكی وێبسیاتی "TASS"، هێرشێکی تیرۆریستی کراوەتە سەر باڵیۆزخانەی بێلارووس لە ئیتاڵیا.

بە گوێرەی زانیاریەکان دوو کەسی دەمامکدار بۆمبیان هەڵداوەتە بینای باڵیۆزخانەی بێلارووس و بەهۆیەوە بەشێکی بیناکە زیانی پێگەیشتووە.

وەزیری دەرەوەی بێلارووس لەبارەی رووداوەکەوە گوتی: "هیچ یەکێک لە ستافی باڵیۆزخانە بریندار نەبوونە و هێزە ئەمنیەکانی ئیتاڵیا کارەکەیان بە هێرشێکی تیرۆریستی وەسف کرد."

بەرپرسانی ئیتاڵیا ئاماژەیان بەوەدا، ئامادەن رێکاری ئەمنی زیاتر بگرنە بەر بۆ پاراستنی باڵیۆزخانەی بێلارووس.

H.H