بوومەلەرزەیەک بەگوڕی 6 پلە ئێرانی هەژاند

 K24 - هەولێر:

بوومەلەرزەيەك بەگوڕى شەش پلە لەسەر پێوەری رێختەر، پارێزگای هورموزگان باشووری ئێرانی هەژاند.

بەگوێرەی راگەیەندراوێکی سەنتەری بوومەلەرزەزانی زانکۆی تاران، چەقی بوومەلەرزەکە شارۆچکەی کوخێرد سەربە پارێزگای هورموزگان بووە و کاتژمێر 02:45 بەکاتی ئێران روویداوە.

ئاماژە بەوەش کرا کە بوومەلەرزەكە لە قوڵايى ١٠ كيلۆمەتر روویداوە.

به‌پێی ئه‌و هه‌واڵانه‌ی له‌ میدیای ئێران بڵاو كراونه‌ته‌وه‌ له‌ پارێزگاكانی ده‌ورووبه‌ر هه‌ست به‌ كاریگه‌ری بوومەلەرزەکە كراوە و هێشتا هیچ زانیاری لەبارەی زیانی گیانیی هەبووە یان نا رانەگەیەندراوە.

سەرچاوە: AA

H.H