خانمه‌ په‌رله‌مانتاره‌كه‌ی به‌ریتانیا گیانی له‌ده‌ستدا

K24 - هه‌ولێر:

جۆ كۆكس، خانمه‌ په‌رله‌مانتاری به‌ریتانیا له‌سه‌ر لیستی پارتی كرێكاران، دوای ئه‌وه‌ی له‌ رووداوێكی ته‌قه‌كردن بریندار كرا، گیانی له‌ده‌ستدا.

جۆ كۆكس ته‌مه‌نی 41 ساڵان، خاوه‌ن دوو منداڵ بوو و نوێنه‌ری ناوچه‌ی "به‌تلی" ئینگلته‌را بوو، له‌لایه‌ن كه‌سێكه‌وه‌ به‌ ده‌مانچه‌ هێرشی كرایه‌ سه‌ر و به‌ سێ گوللـه‌ بریندار كرا.

به‌ گوێره‌ی زانیارییه‌كان دواتر هێرشكه‌ره‌كه‌ سێ چه‌قۆی لێداوه‌ و هاواری كردووه‌ كه‌ نابێت "به‌ریتانیا له‌ ئه‌وروپا جیابێته‌وه‌".

پۆلیسی به‌ریتانیا رایگه‌یاند، ته‌قه‌كه‌ره‌كه‌ ناوی "تۆم مایه‌ر"ه‌ و ته‌مه‌نی 51 ساڵانه‌ و ئێستا له‌لایه‌ن پۆلیسه‌وه‌ ده‌ستگیركراوه‌. 

رووداوه‌كه‌ش ئێواره‌ی ئه‌مڕۆ، له‌به‌رده‌م نووسینگه‌ی ئه‌و خانمه‌ په‌رله‌مانتاره‌ له‌ باكووری ئنگلته‌را روویداوه‌.