پلاسخارت و خەز عەلی باسی دۆخی سیاسی عێراق دەکەن

K24 – هەولێر

نێردەی نەتەوە یەکگرتووەکان لە عێراق لەگەڵ ئه‌مینداری گشتی عه‌سائیب ئه‌هلولحه‌ق لە بەغدا کۆبووەوە و باسیان لە دۆخی سیاسی عێراق و پێکهێنانی کابینەی نوێی حکومەتی عێراق کردووە.

نەتەوە یەکگرتووەکان لە لاپەڕەی فەرمی خۆی لە تۆڕی کۆمەڵایەتی تویتەر بڵاویکردەوە، جێنین پلاسخارت، نێرده‌ی نه‌ته‌وه‌ به‌كگرتووه‌كان لە عێراق لەگەڵ‌ قه‌یس خه‌زعه‌لی، ئه‌مینداری گشتی عه‌سائیب ئه‌هلولحه‌ق لە بەغدا کۆبووەوە و تاوتوێی دۆخی سیاسیی و پێکهێنانی کابینەی داهاتووی حکومەتی عێراقیان کردووە.

ئەمە لەکاتێکدایە بەهۆی ناکۆکی لایەنەکان لەبارەی پێکهێنانی حکومەت، عێراق بە دۆخی سیاسی هەستیاردا تێدەپەڕێت. 25ی ئەم مانگەدا چوارچێوەی هەماهەنگی محەمەد شیاع سوودانی بۆ پۆستی سەرۆک وەزیرانی عێراق کاندیدکرد، بەڵام هیچ وادەیەک بۆ کۆبوونەوەی پەرلەمانی عێراق و هەڵبژاردنی سەرۆک کۆمار دیار نەکراوە.

ئەمڕۆ، خاتو جینین هێنیس-پلاسخارت، نوێنەری تایبەتی سکرتێری گشتی نەتەوە یەکگرتووەکان بۆ عێراق، لەگەڵ بەڕێز قەیس خەزعەلی، ئەمینداری گشتی بزووتنەوەی عەسائیبی ئەهلی حەق کۆبووەوە. هەردوولا باسیان له‌ بارودۆخی سیاسی ئێستای عیراق کرد، له‌وانه‌ش پێكهێنانی حكومه‌تی نوێ. pic.twitter.com/A9cfCMIscj

— UNAMI (@UNIraq) July 27, 2022