یۆنامی: مافی خۆپیشاندانی ئاشتییانە کۆڵەکەی دیموکراسییە

K24 - هەولێر:

نێرده‌ی تایبه‌تی نه‌ته‌وه‌ یه‌كگرتووه‌كان له‌ عێراق له‌ باره‌ی خۆپیشاندانەکەی ئەمڕۆی بەغدا کە دژی کاندیدی سەرۆک وەزیران بەڕێوەچوو رایگەیاند، مافی خۆپیشاندانی ئاشتییانە کۆڵەکەی دیموکراسییە.

یۆنامی لە تویتێکدا سەبارەت بە خۆپیشاندانی ئەمڕۆی بەغدا نووسیویەتی: "مافی خۆپیشاندانی ئاشتییانە کۆڵەکەی دیموکراسییە. بەڵام شانبەشان بێت لەگەڵ رێزگرتنی دامودەزگاکانی حکومەت و موڵکی گشتی و تایبەت. زۆر گرنگە خۆپیشاندانەکان بە ئاشتیانە و پابەندبوون بە یاسا بمێننەوە".

الحق في التظاهر السلمي أساسي للديمقراطية. ولكن يمضي ذلك جنباً إلى جنب مع احترام مؤسسات الدولة والحفاظ على الممتلكات العامة والخاصة. من الضروري أن تظل المظاهرات سلمية وتمتثل للقانون.

— UNAMI (@UNIraq) July 27, 2022

ئەمڕۆ چوارشەممە (27ـی تەمووز)، لە بەغدا دژی کاندیدکردنی محەمەد شیاع سوودانی بۆ پۆستی سەرۆک وەزیران خۆپیشاندان بەڕێوەچوو.

رۆژی 25ی ئەم مانگە، چوارچێوەی هەماهەنگی لایەنە شیعەکان رایگەیاند، کە محەمەد شیاع سوودانی کاندید دەکەن بۆ پۆستی سەرۆک وەزیرانی داهاتووی عێراق، بەوەش جمووجۆڵە سیاسییەکان لە عێراقدا کەوتنە قۆناغێکی نوێوە.