به‌ وێنه‌... ئه‌ستێره‌یه‌كی ریال مه‌درید بۆ عومره‌ ده‌چێته‌ شاری مه‌ككه‌

ئه‌ستێره‌ی یانه‌ی ریال مه‌درید كه‌ریم بێنزیما له‌ ئێستدا پشووه‌كانی به‌ ده‌رفه‌ت زانیوه‌ بۆ ئه‌نجامدانی عومره‌ ڕوویكردۆته‌ وڵاتی سعوودییه‌ و شاری مه‌ككه‌.

ئه‌مڕۆ میدیاكانی عه‌ره‌بی گرینگییه‌كی گه‌وره‌یان به‌ سه‌ردانه‌كه‌ی بێنزیمادا باسیان له‌وه‌ش كردووه‌ كه‌ ئه‌م یاریزانه‌ سه‌ردانی زۆرێك له‌ ده‌زگا وه‌رزشییه‌كانی وڵاتی سعوودییه‌ی كردووه‌.

بێنزیمای ته‌مه‌ن 28 ساڵان، به‌ ڕه‌سه‌ن خه‌ڵكی وڵاتی جه‌زائیره‌ و موسڵمانه‌، به‌ڵام خاوه‌نی ره‌گه‌زنامه‌ی فره‌نسایه‌وه‌ و ساڵانێكی زۆریشه‌ یاریی بۆ هه‌ڵبژارده‌ی كه‌ڵه‌شێره‌كان ده‌كات، به‌ڵام له‌ ئێستادا له‌ لایه‌ن دیدییه‌ دیشامپی راهێنه‌ری هه‌ڵبژارده‌ی فره‌نسا دوور خراوه‌ته‌وه‌، له‌وه‌ته‌ی ساڵی 2009ـه‌وه‌ له‌ یانه‌ی ریال مه‌درید یاریی ده‌كات.