ئیمانوێل ماکرۆن: کوردانی فەرەنسا لە دڵی پاریس هێرشێکی قێزەونیان کراوەتە سەر
K24 - هەولێر:
ئیمانوێل ماکرۆن لەبارەی هێرشەکەی ئەمڕۆی پاریس پەیامێکی بڵاوکردەوە و تێیدا رایگەیاند، کوردانی فەرەنسا لە دڵی پاریس هێرشێکی قێزەونیان کراوەتە سەر.
ماکرۆن لە تویتەکەیدا نووسیویەتی:سەرەخۆشی لە کەسوکاری قوربانیەکان دەکەین و نزای چاکبوونەوەی خێرا بۆ بریندارەکان دەخوازین
سەرۆکی فەرەنسا راشیگەیاند، بە ئازایەتی و هەوڵ و ماندووبوونی هێزە ئەمنییەکانی وڵاتەکامان پێدەزانین و سوپاسیان دەکەین.
ئەمڕۆ هەینی، کەسێکی (تەمەن 69 ساڵ) بە چەکەوە هێرشیکردە سەر ئارایشتگەیەک و ناوەندی کولتووری (ئەحمەد کایا) لە پاریس، لە ئەنجامدا سێ هاووڵاتی کورد کوژران و سێ کەسی دیکەش برینداربوون، دواتریش هێرشکارەکە دەستگیرکرا.
پاش دەستگیرکردنی هێرشکارەکە و بڵاوبوونەوەی هەندێک زانیاری لەبارەی رووداوەکە، کوردانی دانیشتووی فەرەنسا و بەشێک لە هاووڵاتیانی ئەو وڵاتە خۆپیشاندانێکیان دژی ئەو هێرشە دەستپێکرد و تێیدا گرژی و ئاڵۆزی لەنێوان هێزە ئەمنییەکان و خۆپیشاندەران دروستبوو.