سهرۆك بارزانی لهگهڵ سهرۆكی دیوانی وهقفی سوننه كۆبووهوه
سەرۆكی دیوانی وەقفی سوننە سوپاسی سهرۆك بارزانی دهكات
K24 - ههولێر:
سهرۆك مهسعود بارزانی لهگهڵ سهرۆكی دیوانی وهقفی سوننه كۆبووهوه و پێكهوه بیرۆڕایان لەبارەی پڕۆسەی سیاسیی عێراق و سوودوەرگرتن لە ئەزموون و هەڵەكانی رابردوو ئاڵوگۆڕكرد.
ئهمڕۆ شەممە 24ی كانوونی یەكەمی 2022، بارهگای بارزانی رایگهیاند، لە سەلاحەددین (پیرمام) سەرۆك بارزانی پێشوازی لە دكتۆر مەشعان ئەلخەزرەجی، سەرۆكی دیوانی وەقفی سوننە و شاندێكی یاوەری كرد.
بهگوێرهی راگهیهندراوهكهی بارهگای بارزانی، لە دیدارەكەدا سەرۆكی دیوانی وەقفی سوننە پێزانینی بۆ رۆڵی مێژوویی سەرۆك بارزانی لە خەبات و تێكۆشانی گەلانی عێراق هەبوو و، سوپاسی هەوڵەكانی سەرۆك بارزانی كرد بۆ پاراستنی فەرهەنگی پێكەوەژیان و لەیەكنزیككردنەوەی پێكهاتەكان و لێكتێگەیشتن و برایەتی و تەبایی نێوانیان. هەروەها سوپاسی هەرێمی كوردستانیشی كرد كە لە رۆژانی تەنگانەدا میوانداریی سەدان هەزار پەنابەر و لێقەوماوی كردووە.
بارهگای بارزانی ئهوهشی خستووهتهڕوو، سەرۆكی دیوانی وەقفی سوننە ئەزموونی هەرێمی كوردستانی وەك سەرمەشقێكی باش بۆ بەشەكانی تری عێراق لەقەڵەم دا.
له كۆتایی راگهیهندراوهكهدا هاتووه: لە دیدارەكهدا بیروڕا لەبارەی پڕۆسەی سیاسیی عێراق و سوودوەرگرتن لە ئەزموون و هەڵەكانی رابردوو ئاڵوگۆڕ كرا و ڕۆشناییش خرایە سەر بار و گوزەرانی خەڵك لە پارێزگاكانی ناوەند و باشووری عێراق.