بوومه‌له‌رزه‌یه‌ك ناوچه‌یه‌كی هه‌رێمی كوردستانی هه‌ژاند
K24 - هه‌ولێر:
بوومه‌له‌رزه‌یه‌ك به گوڕی 3.5 پله به پێوه‌ری رێخته‌ر پارێزگای دهۆكی هه‌ژاند.
ئه‌مڕۆ چوارشه‌ممه (11ـی كانوونی دووه‌م/یه‌نایه‌ری 2023)، وه‌زاره‌تی گواستنه‌وه‌ی عێراق رایگه‌یاند، به‌ره‌به‌یانی ئه‌مڕۆ نزیكه‌ی كاتژمێر 6:05 خوله‌ك، بوومه‌له‌رزه‌یه‌ك به گوڕی 3.5 پله به پێوه‌ری رێخته‌ر سنووری عێراق – توركیا له سنووری پارێزگای دهۆكی هه‌ژاندووه.
ئه‌وه‌ش خراوه‌ته‌ڕوو، لەلایەن هاووڵاتیانه‌وه هەست به بوومه‌له‌رزه‌كه نه‌كراوه، داواش له هاووڵاتییان ده‌كرێت، وریا بن و خۆیان لە دەنگۆ و هەواڵی ناڕاست بەدوور بگرن و پابەندبن بەو فەرمانە بومەلەرزەزانه‌ی کە لەلایەن دەسەڵاتی گشتی کەشناسی و بەدواداچوونی بومەلەرزەزانییه‌وه دەرچووە.