کەشناسی: باران دەبارێت

K24 – هەولێر

بەگوێرەی پێشبینییەکانی کەشناسی، کەشوهەوای هەرێمی کوردستان گۆڕانکاری بەسەردا دێت و لە هەندێک کات و شوێندا باران دەبارێت و هەورە بروسکەشی لەگەڵ دەبێت.

بەشی پێشبینییەکانی کەشناسی هەرێمی کوردستان رایگەیاند، ئەمڕۆ یەکشەممە 5/3/2023، ئاسمان ساماڵ و پەڵە هەور دەبێت، لەگەڵ بوونی تۆزێکی سووک.

سەبارەت بە کەشوهەوای سبەی کەشناسی رایگەیاندووە، رۆژی دووشەممە 6/3/2023، ئاسمان لەنێوان هەورى تەواو بۆ نیمچە هەور دەبێت، لەگەڵ بارینى نمە باران، کە هەندێ جار هەورە بروسکەشى لەگەڵ دەبێت، لە ناوچە شاخاوییەکانى هەولێر و راپەڕین و رۆژهەڵاتى هەرێم و گەرمیان و کەرکووک، هەروەها خێرایی با چالاک دەبێت و هاتنى شەپۆلێکى تۆز و خۆڵى مام ناوەند بەتایبەت بۆ شارى دهۆک، هەولێر و ناوچەکانى دەوروبەر و گەرمیان.

بەرزترین پلەکانی گەرمای پێشبینیکراو بە پلەی سیلیزی

هەولێر: 23

سلێمانی: 21

دهۆک: 21

کەرکوک: 27

هەڵەبجە: 22

زاخۆ: 23

سۆران:21

گەرمیان: 27