ئهمینداری یهكگرتوو به پرۆژهیهك رێگری له پیلانی وڵاتێكی ههرێمی دهكات
دهستپێشخهرییهك پێشكهش دهكات
K24 - ههولێر:
بەمەبەستی یەکخستنەوەی نێوماڵی کورد، بڕیارە لەم هەفتەیدا شاندی یەکگرتووی ئیسلامی کوردستان بەسەرۆکایەتی سەڵاحەددین مەحمەد بەهائەدین بەجیا سەردانی پارتی دیموکراتی کوردستان و بزووتنەوەی گۆڕان بکات و چەند پێشنیازێك بۆ ئاساییکردنەوەی بارودۆخەکە بخاتە بەردەم بەرپرسانی باڵای هەردوو حزب.
ئەمینداری گشتی یەکگرتووی ئیسلامی کوردستان لە کۆبوونەوەی داهاتووی لەگەڵ گۆڕان و پارتی کە چاوەڕێ دەکرێ لە م هەفتەیە بەرێوە بچێت، دوو پێشنیاز دەخاتە بەردەم بارزانی و نەوشیروان مستەفا، کە بریتی دەبن لە پیشنیازی کۆبوونەوەی دوو قوڵی هەردوو سەرکردە و پێشنیازی دووەمیش کۆبوونەوەی تەواوی سەرکردەکانی پارتەکان دەبێ.
یەکگرتووی ئیسلامی کوردستان بڕوای وایە، هەوڵەکانیان بۆ ئاساییکردنەوەی پەیوەندییەکانی نێوان پارتی دیموکراتی کوردستان و بزووتنەوەی گۆڕان سەرکەتوو دەبێ، بەو پێیەی بەفەرمی بەرپرسانی باڵای هەردوولا دڵنییان داوەتە سەڵاحەدین بەهائەدین، ئەوان لە پێناو یەکخستنەوەی نێو ماڵی کورد و ئاشتەوایی نەرمی لەهەڵویستەکانیان دەنوێنن، بەمەرجێك ئەگەر دەستی دەرەکی رێگری لە هەوڵەکانیان نەکا.
یەکگرتوو نایشارێتەوە کەمەترسییەکی گەورە رووبەرووی هەرێمی کوردستان بۆتەوە، دەخوازن لەرێگای هەوڵە دبلۆماسییەکانیان پەیوەندییەکانی نێوان پارتی و بزووتنەوەی گۆڕان ئاسایی بکەنەوە و رێگری لە پرۆژەی وڵاتێکی هەرێمی بکەن، کە مەبەستیەتی باشووری کوردستان بۆ سەر سێ ناوچە و هەرێمی بچووك دابەش بکا.