بە ڤیدیۆ.. ئاگر لە بانکی ناوەندی سوودان دەکەوێتەوە
K24 - هەولێر:
لە باڵەخانەی بانکی ناوەندی سوودان لە خەرتوومی پایتەختی وڵاتەکە ئاگر کەوتەوە.
بە گوێرەی ڤیدیۆیەک کە لە تۆڕە کۆمەڵایەتییەکان بڵاوبووەتەوە، لە خەرتووم ئاگر لە باڵەخانەی بانکی ناوەندی سوودان کەوتووتەوە و تاوەکو ئێستا دەسەڵاتداران و سەرچاوە ناوخۆییەکانی وڵاتەکە هیچ زانیارییەکیان لەبارەی زیانەکان بڵاونەکردووەتەوە.
بانکی ناوەندی سوودان 17 لقی هەیە کە بەسەر ویلایەتەکانی وڵاتەکەدا دابەش بوون.
بەپێی زانیارییەکان، یەدەگی بانکەکە بەر لە شەڕی ناوخۆیی سوپا و هێزی رووبەڕووبوونەوەی خێرا، ملیارێک و 500 ملیۆن دۆلار بووە، کە 400 ملیۆن دۆلاری نەختینە و 260 ملیۆن دۆلاریش یەدەگی زێڕ بووە، 857 ملیۆن دۆلاریشی لەلایەن سندووقی نەختینەنەوە بلۆککراوە.
پۆلیسی وڵاتەکەش دەڵێت، ئەو دیمەنەی لە تۆڕە کۆمەڵایەتییەکان بڵاوکراوەتەوە کۆنە و سووتانی یەکێک لە لقەکانی بانکەکەیە.
ئەمە لە کاتێکدایە، لە چەند رۆژی رابردوودا چەند بانکێک لە سوودان شکێندراو و بەتاڵان بردراوە، لە دیارترینیان بانکی جەزیرەی سوودانی ئوردنی و چەند لقێکی بانکی خەرتووم.
The Central Bank of Sudan in the Northern District of the Capital City of Khartoum is currently on Fire as a result of Heavy Fighting between the Sudanese Armed Forces and the Rapid Support Forces (RSF). pic.twitter.com/lRUO9MrjmJ
— OSINTdefender (@sentdefender) April 30, 2023