سهرۆكوهزیران مهسرور بارزانی: کەرتی بانکیی مۆدێرن بناغەی تێڕوانینی ئێمەیە بۆ كوردستانێكی بههێزتر
K24 – هەولێر:
سهرۆكوهزیران مهسرور بارزانی له تویتێكدا رایدهگهیهنێت، کەرتی بانکیی مۆدێرن بناغەی تێڕوانینی ئێمەیە بۆ كوردستانێكی بههێزتر.
له ههژماری تایبهتی خۆی له تویتهر سهرۆكوهزیران مهسرور بارزانی نووسیوویهتی: "لە ماوەی دوو ساڵی داهاتوودا، ههژماری 1.2 ملیۆن فهرمانبهری کەرتی گشتی دەگوازینەوە بۆ بانکە تایبەتەکان و خزمهتگوزارییهكانی پارهدانی دیجیتاڵی بهگهڕدهخهین بۆ بەرەوپێشبردنی گەشەی ئابووریمان".
ئەمڕۆ چوارشەممە 14ـی حوزەیرانی 2023، مەسرور بارزانی، سەرۆکی حکومەتی هەرێمی کوردستان لە رێوڕەسمی کردنەوەی بانکی جیهان لە هەولێر گوتی: "حەوت بانکی تر ئامادەیی خۆیان دەربڕیوە بەشداربن لە (هەژماری من) هەروەکو پێشتریش باسمان کردووە بۆ دوو ساڵی داهاتوو ئاواتمان وایە هەموو فەرمانبەرانی حکومەت بتوانن لەو سیستەمەدا جێگیر بکرێن".
مەسرور بارزانی، گوتیشی: "ئێمە لە حکومەت زۆر پێداگیری دەکەین لەوەی سیستەمی بانکی لە هەرێمی کوردستان بە ستاندارد بکرێت بۆ ئەوەش لەگەڵ پارێزگاری بانکی ناوەندیی عێراقیش لە پەیوەندیداین و ئەوانیش یارمەتیدەری ئێمە بوون".
پێشتریش فهرمانگهی میدیا و زانیاریی حكومهتی ههرێمی كوردستان لهبارهی پرۆژهی ههژماری منهوه رایگهیاندبوو، شێوازی پێدانی مووچە گۆڕانکاریی بەسەردا دێت و ئاماژهی بهوهش كردووه، خزمەتگوزاریی پارەدانی دیجیتاڵی و هەژماری من، هەنگاوێکی نوێی کابینەی نۆیەمی حکومەتی هەرێمی کوردستانە بۆ بەئەلیکترۆنیکردنی کاروبارەکانی حکومەت.
فەرمانگەی میدیا و زانیاری روونیكردبووهوه، دەستپێشخەری هەژماری من، کە لەلایەن مەسرور بارزانی، سەرۆکوەزیرانی هەرێمی کوردستانەوە راگەیاندرا، کۆمەڵێک سوودی بۆ هاووڵاتییان و ئابووریی هەرێمی کوردستان دەبێت، له سوودەکانی بۆ هاووڵاتییان، ئاسانکاری و سەلامەتی هەژمارەکان، پێدانی مووچە بەشێوەیەکی رێکوپێک و لەکاتی خۆیدا بەبێ نۆرەگرتن، کەمکردنەوەی مەترسیی دزینی مووچە و پاشەکەوت.
ههروهها سوودی پرۆژهی ههژماری من بۆ بەرهەمە داراییەکان، دروستکردنی داهاتی زیادە لە دانانی پارەی نەختینەیی ناکارا لە پاشەکەوتدا، کڕینی کاڵا یان پارەدان بە خەرجییە کەسییەکان لە رێی قەرزی ئاسانەوە، باشتربوونی رۆشنبیری دارایی.
فەرمانگەی میدیا و زانیاری سوودهكانی پرۆژهی ههژماری من له بواری پارەدانی دیجیتاڵی روونكردووهتهوه، لهوانه، پارەدان بۆ کڕینی کاڵا و خزمەتگوزارییە ئۆنلایینەکان بە بەکارهێنانی کارتی بانکی، توانای حەواڵە لەنێوان هەژمارە جیاوازەکان لە رێی کارتی مۆبایل/ ئینتەرنێت، وەرگرتنی حەواڵەی نێودەوڵەتی بێ ئەوەی پێویست بکات سەردانی نووسینگەی ئاڵوگۆڕی دراو بکەیت.
سهبارهت ئابووریی هەرێمی کوردستانیشهوه، پرۆژهی ههژماری من دهبێته هۆی زیادبوونی بەرهەمی ناوخۆیی، بەهۆی بەشداریکردنی هاووڵاتییان لە کەرتی بانکییدا، زیادبوونی خەرجیی بەکاربەران بەهۆی زیادبوونی قەرزی تاکەکەسی، رەخساندنی هەلی کار لە کەرتی بانکی، کەمکردنەوەی پشتبەستن بە مامەڵەی کاش، زیادکردنی کارایی حکومەت و شەفافییەت، سەرهەڵدانی پارەدانی دیجیتاڵی بۆ خزمەتگوزارییە گشتییەکان.
له بهشێكی دیكهی بڵاوكراوهكهی فهرمانگهی میدیا و زانیاریدا هاتووه، "ئەم هەنگاوانەی کابینەی نۆیەمی حکومەتی هەرێمی کوردستان بۆ ئەوەیە کە زۆرینەی کاروبارەکانی حکومەت بکرێنە ئەلیکترۆنی و رۆتینی دامودەزگاکان کەمبکرێنەوە، ئەمەش لەپێناو کارئاسانی بۆ هاووڵاتییان".
رۆژی سێشهممه (28ـی شوبات/فێبرایهری 2023)، مهسرور بارزانی، سهرۆكی حكومهتی ههرێمی كوردستان پهیامێكی بڵاوكردهوه و دهستپێكردنی دەستپێشخەریی هەژماری منی راگهیاند کە بەرنامەیەکی گشتگیری داراییە بۆ فەرمانبەرانی کەرتی گشتی و خانەنشینان.
کەرتی بانکیی مۆدێرن بناغەی تێڕوانینی ئێمەیە بۆ كوردستانێكی بههێزتر.
— Masrour Barzani (@masrourbarzani) June 14, 2023
لە ماوەی دوو ساڵی داهاتوودا، ههژماری 1.2 ملیۆن فهرمانبهری کەرتی گشتی دەگوازینەوە بۆ بانکە تایبەتەکان و خزمهتگوزارییهكانی پارهدانی دیجیتاڵی بهگهڕدهخهین بۆ بەرەوپێشبردنی گەشەی ئابووریمان.#هەژماری_من