لە قەزای خەبات پێنج کەس لەسەر شەڕە تەقە دەستگیرکران
K24 – هەولێر
هێزەکانی ئاسایشی هەولێر پێنج کەسیان بە تۆمەتی شەڕە تەقە لە سنووری قەزای خەبات دەستگیرکردن.
لە راگەیەندراوێکدا بەڕێوەبەرایەتی ئاسایشی هەولێر رایگەیاند، لە کۆمەڵگەی کەورگۆسک-ی سەر بە قەزای خەبات کێشەیەکی کۆمەڵایەتی لەنێوان دوو خانەوادە دروست بووە و بە چەکی جۆری کلاشنکۆف تەقەیان کردووە،هێزەکانمان دەست بەجێ گەشتنە شوێنی رووداوەکە و بە بڕیاری دادوەری لێکۆڵێنەوەی ئاسایشی هەولێر (5) کەس لە هەردوو خانەوادە دەستگیرکران و دەستگیرا بەسەر چەکەکاندا و دەدرێن بە دادگا".