دوای هەڕەشەکان کۆریای باکوور مووشەکێکی بالیستی تاقیدەکاتەوە
K24 – هەولێر
دوای ئەوەی کیم یو جۆنگ، خوشکی کیم جۆنگ ئونی سەرۆکی کۆریای باکوور هەڕەشەی ئەوەی کرد هەر سەتەلایتێکی ئەمەریکی سنووری ئاسمانی وڵاتەکەیان ببەزێنێت تێکی دەشکێنن، کۆریای باکوور مووشەکێکی بالیستی تاقیکردەوە.
دەستەی ئەرکانی هاوبەشی سوپای کۆریای باشوور بڵاویکردەوە، بەرەبەیانی ئەمڕۆ کۆریای باکوور مووشەکێکی بالیستی مەودا دیارینەکراوی بە ئاراستەی دەریای رۆژهەڵات تاقیکردووەتەوە.
دەستەی ئەرکانی سوپای کۆریای باشوور راشیگەیاندووە، مووشەکەکە هیچی زیانێکی نەبووە و لە ئامادەباشیدان بۆ وەڵامدانەوەی هەر هەڕەشەیەک بۆ وڵاتەکەیان.
تاقیکردنەوەی ئەو مووشەکە بالیستییە لەلایەن کۆریای باکوورەوە لەکاتێکدایە، چەند رۆژێک لەمەوبەر کیم یو جۆنگ خوشکی کیم جۆنگ ئونی سەرۆکی کۆریای باکوور، هەڕەشەی ئەوەی کردبوو، هەر سەتەلایتێکی ئەمەریکی سنووری ئاسمانی وڵاتەکەیان ببەزێنێت تێکی دەشکێنن.