پۆلیسی راپەڕین: کوڕێکی 16 ساڵ بە دەستڕێژی گوللـە کوژرا
K24 - هەولێر:
بەرە بەیانی ئەمڕۆ کوڕێكی تەمەن 16 ساڵ بەناوی (هۆگر مەسعود) لە سنووری ئیدارەی راپەڕین بە دەستڕێژی گوللـە کوژرا و گوتەبێژی پۆلیسی راپەڕینیش دەڵێت: لەسەر ئەو تاوانە فەرمانی دەستگیرکردن بۆ تۆمەتبارێک دەرچووە.
موقەدەم شۆڕش ئیسماعیل، گوتەبێژی پۆلیسی راپەرین بە کوردستان24ـی راگەیاند، رووداوەکە پێش کاتژمێر شەشی بەیانی روویداوە و دەسترێژی گولـلە لە گەنجەکە کراوە و شوێنەواری فیشەک بە جەستەیەوە ھەیە.
ئاماژەی بەوەشدا، لەسەر ئەو تاوانە فەرمانی دەستگیرکردن بۆ تۆمەتبارێک دەرچووە بەڵام هەڵاتووە.
تا ئێستا هۆکاری پشت تاوانەکە بە ناڕوونی ماوەتەوە و پۆلیسی راپەڕینیش لێکۆڵینەوەکانی دەستپێکردووە.