بومەلەرزەیەک لە سلێمانی روویدا
K24 – سلێمانی
سەر لە بەیانی ئەمڕۆ شەممە 26/8/2023، بومەلەرزەیەک لە سلێمانی روویدا.
ئاسۆ کەمال، بەڕێوەبەری کەشناسی و بومەلەرزەزانی سلێمانی بە کوردستان24ی گوت: "كاتژمێر 6:31 خولەکی سەر لە بەیانی ئەمڕۆ لە باكووری رۆژئاوای سلێمانی و نزیك زنجیرە چیای پیرەمەگروون بومەلەرزەیەک بە گوڕی (3.1 ) پلەی رێختەر روویدا.
گوتیشی: "بومەلەرزەكە بە قوڵای شەش كیلۆمەتر و بە دووری (25) کیلۆمەتر لە سەنتەری شاری سلێمانی روویداوە و چەقی بومەلەرزەکە لە نێوان گوندەکانی هەنارانی سەروو و کانی مەنم بووە".