پێنچ باژێرڤانیێن زاخۆ ژ دهۆكێ‌ هاتنه‌ ڤه‌قه‌تیان و چوونه‌ سه‌ر ب ئیدارا سه‌ربه‌خۆ یا زاخۆڤه‌

K24 - هەولێر

رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ راگه‌هاند، ئه‌ڤرۆ رۆژا دووشه‌مبی 4ـی ئه‌یلولا 2023، هه‌ر پێنچ باژێرڤانیێن سنوورێ‌ ئیدارا سه‌ربه‌خۆ یا زاخۆ (بێرسڤێ‌، ئیراهیم خه‌لیل، ده‌ركار، بێگۆڤا و باتیفا) ب شێوه‌یه‌كێ‌ فه‌رمی ژ رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ هاتنه‌ ڤه‌قه‌تیان و چوونه‌ سه‌ر ب رێڤه‌به‌ریا گشتی یا باژێرڤانیان ل سنوورێ‌ ئیدارا سه‌ربه‌خۆ یا زاخۆ‌.

ئه‌ندازیار دیار به‌حری ره‌سول، رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ د كۆنگره‌یه‌كێ‌ رۆژنامه‌ڤانی دا دیار كر، پشتی ئیدارا سه‌ربه‌خۆیا زاخۆ هاتیه‌ دامه‌زراندن، ئێكه‌م جار باژێرڤانیا زاخۆ ل مه‌ها سێ‌ یا سالا 2021ێ‌ چوو سه‌ر ب ئیدارا سه‌ربه‌خۆ یا زاخۆ ڤه‌ و سه‌به‌رخۆ بوو، پشتی هینگی رێڤه‌به‌ریا گشتی یا باژێرڤانیان ل ئیدارا سه‌ربه‌خۆ یا زاخۆ هاته‌ دانان و ئه‌ڤه‌ ژی بۆ رێخۆشكه‌ر كو ئه‌ڤرۆ رۆژا دووشه‌مبی رێككه‌فتی 4ـی ئه‌یلولا 2023، ب شێوه‌یه‌كێ‌ فه‌رمی باژێرڤانیێن (بێرسڤێ‌، ئیراهیم خه‌لیل، ده‌ركار، بێگۆڤا و باتیفا) ژ رێڤه‌به‌ریا گشتی یا باژێرڤانیان ل پارێزگه‌ها دهۆكێ‌ هاتنه‌ ڤه‌قه‌تیان و چوونه‌ سه‌ر ب رێڤه‌به‌ریا گشتی یا باژێرڤانیان ل سنوورێ‌ ئیدارا سه‌ربه‌خۆ یا زاخۆڤه‌.

ئاشكرا ژی كر، ژ ئه‌ڤرۆ وێڤه‌ ئه‌و باژێرڤانی دێ‌ ل گه‌ل رێڤه‌به‌ریا گشتی یا زاخۆ كارێ‌ خوه‌ ئه‌نجام ده‌ن، ره‌نگه‌ ئه‌ڤ بریاره‌ پیچه‌ك گیر ببوو، به‌لێ‌ ژ به‌ر رێكارێ‌ ئیداری و دامه‌زراندنا رێڤه‌به‌ریا گشتی یا باژێرڤانیان ل ئیدارا سه‌ربه‌خۆ یا زاخۆ ئه‌ڤ بریاره‌ هه‌تا ڤی ده‌می مابوو هه‌لاویستی، ئه‌ڤه‌ بریاره‌ك بوو وه‌كو كار ئاسانیه‌ك بۆ خه‌لكێ‌ زاخۆ ژ لایێ‌ ئه‌نجومه‌نێ‌ وه‌زیرێن حوكمه‌تا هه‌رێما كوردستانێ‌ ڤه‌ هاتبوو دان.