مهحموود محهممهد: پارتی داوا دهكات لیژنهیهكی لێكۆڵینهوهی ئهمنی له بهغداوه بۆ رووداوهكانی كهركووك پێكبهێنرێت
K24 - ههولێر:
گوتهبێژی پارتی دیموكراتی كوردستان ئاماژه بهوه دهكات پارتی داوا دهكات لیژنهیهكی لێكۆڵینهوهی ئهمنی له بهغداوه بۆ رووداوهكانی كهركووك پێكبهێنرێت، دهشڵێت له كۆبوونهوهی داهاتووی هاوپهیمانی ئیدارهی دهوڵهت سهبارهت به بوودجه و شایستهكانی ههرێمی كوردستان گفتوگۆ دهكهن.
ئهمڕۆ (پێنجشهممه 7ـی ئهیلوولی 2023) مهحموود محهممهد، گوتهبێژی پارتی دیموكراتی كوردستان له كۆنگرهیهكی رۆژنامهوانیدا رایگهیاند، بهڕێوهبهردنی عێراق به شێوازێكه شیعه، سوننه و كورد پێی رازی نین، بهتایبهت كه كۆمهڵیك ئاستهنگی گهوره ههیه، لهوانهش پهیدابوون و دروستبوونی كۆمهڵیك كهس، كه خۆیان له سهرووی دهستوور، یاسا و رێككهوتنهكان دهبینن و بوونهته بڕیاردهر و كۆسپ دهخهنه بهردهم كارهكانی حكومهت.
گوتهبێژی پارتی دیموكراتی كوردستان ههروهها ئاماژهی بهوه كرد، بوونی ئهو جۆره كهس و عهقڵییهتانه، دهبێته هۆی بهردهوامیدان به ناكۆكی و ململانێكان، بهردهوامی ناكۆكی و ململانێكانیش دهبێته هۆی دواكهوتن و پاشكهوتنی عێراق، به پاشكهوتنی عێراقیش زیاتر ههژاربوون و نهداربوونی عێراقییهكانی لێ دهكهوێتهوه، كه ئهمهش یهكێكه لهو سیاسهتانهی بهرامبهر به ههرێمی كوردستانیش ئهنجامی دهدهن.
روونیشیكردهوه، بهكارهێنانی عهقڵی سیاسی و ئیداری، هۆكاره بۆ چارهسهركردنی ئهو كێشه و ئاستهنگانهی ئهمڕۆ عێراقی تهنیوه. جهختیشیكردهوه، كه ناكرێت عێراق بهردهوام لهناو ئهو كێشه و ئاستهنگانهدا بێت.
مهحموود محهممهد هاوكات باسی لهوه كرد، گهڕانهوهی پارتی بۆ كهركووك و وهرگرتنهوهی بارهگاكانی لهو شاره، یهكێك بووه لهو رێككهوتننانهی پارتی دیموكراتی كوردستان لهگهڵ هاوپهیمانی ئیدارهی دهوڵهت كردوویهتی، بۆیه پارتی وهك مافی یاسایی و دهستووری مهبهستییهتی بگهڕێتهوه شارهكه. گوتشی، كۆمهڵێك عهقڵییهتی بارگاوی به بیركردنهوهی كۆن، ئاستهنگ بۆ ئهو رێككهوتنه دهكهن و بوونه هۆی دروستبوونی ئاڵۆزی و كێشه له كهركووك، تا بهوه گهیشت، رۆڵهی شارهكه شههید بكرێت.
گوتهبێژی پارتی دیموكراتی كوردستان جهختیشیكردهوه، هێشتا عهقڵییهتی شۆڤێنی لهناو كهركووك ههیه و پێویست دهكات چارهسهری ئهو عهقڵییهته بكرێت و بهپێی دهستوور رهفتار بكرێت و مافی پارتی دیموكراتی كوردستانه له كهركووك و ههر شارێكی دیكه بارهگای ههبێت.
مهحموود محهممهد به پێویستیشی زانی ئهو ئاڵۆزییانه به لێكتێگهیشتن چارهسهر بكرێت و رێگه له پهرهسهندنیان بگیرێت. گوتیشی، وهك مهكتهبی سیاسی پارتی دیموكراتی له بهیاننامهی ئهمڕۆیاندا داوا له هاووڵاتیانی كهركووك دهكهن رێگه بهو كهسانه نهدهن كه له پهنای ئهوانهوه كاری نهخوازراو دهكهن و داوای بابهتی گونجاو ناكهن و مهبهستییانه پشێوی له شارهكه بنێنهوه و شهقام ئاڵۆز بكهن و زیان به بهیهكهوهژیان بگهیهنن، كه پارتی دیموكراتی كوردستان به جیددی كاری لهسهر كردووه و دهیكات.
ههروهها تیشكی خسته سهر ئهوهی پارتی دهخوازێت لیژنهیهكی لێكۆڵینهوهی ئهمنی له بهغداوه بۆ رووداوهكانی كهركووك پێكبهێنرێت، بۆ ئهوهی ئهوانه دهستنیشان بكات كه هاندهری ئهو بارودۆخهن و زیانیان به شارهكه و خهڵكهكهی گهیاندووه.
سهبارهت به كۆبوونهوهی نێوان پارتی دیموكراتی كوردستان و یهكێتی نیشتمانی كوردستان، گوتهبێژی پارتی دیموكراتی كوردستان رایگهیاند، تا ئێستا وادهیهك بۆ ئهو كۆبوونهوهیه دیاری نهكراوه.
دووپاتیشیكردهوه، رۆژی (شهممه 9ـی ئهیلوولی 2023) كۆبوونهوهی ئیدارهی دهوڵهت بهڕیوهدهچێت و سهبارهت به پرسی بوودجه و شایستهكانی ههرێمی كوردستان گفتوگۆ دهكهن.
ئێوارەی رۆژی شەممە، 2ـی ئەیلوولی 2023، کاتژمێر 05:00 ژمارەیەک گەنجی کوردی دانیشتووی کەرکووک لە دژی داخستنی رێگای سەرەکی هەولێر – کەرکووک لەلایەن هەندێک عەرەب و تورکمانی کەرکووکەوە خۆپیشاندانیان کرد. خۆپیشاندانەکە گرژی و ئاڵۆزی لێکەوتەوە و هێزە ئەمنییەکان تەقەیان لە خۆپیشاندەرە کوردەکان کرد.
لە خۆپیشاندانەکەدا، چوار هاووڵاتی کوردی کەرکووک بە ناوەکانی (هاوکار عەبدوڵڵا، هەڤاڵ ستار، سەمەد محەممەد و حوسێن سابیر)، بە تەقەی هێزە ئەمنییەکان شەهید کران و نزیکەی 15 کەسی دیکەش بریندارن.
جگە لە شەهیدکردن و بریندارکردنی ژمارەیەک هاووڵاتی کوردی کەرکووک، هێزە ئەمنییەکانی ئەو شارە، چوار رۆژنامەنووس و میدیاکاریان دەستبەسەر کرد و یەکێکی دیکەشیان بریندار کرد.